Google ADS

Tahiri në Strasburg takoi konsullen amerikane: Miqësia jonë është e vërtetë dhe do të zgjasë përgjithmonë

19:46 | 2 Tetor 2024
E.H

Shefi i Grupit Parlamentar të AAK-së, Besnik Tahiri, është takuar me Konsullen e Përgjithshme të Shteteve të Bashkuara të Amerikës, Yvonne Gonzales në Strasburg.

Tahiri përmes një postimi në Facebook u shpreh se takimi me Gonzales kishte për qëllim nxitjen e koordinimit tutje për të arritur rezultate në hapin përfundimtar drejt anëtarësimit të Kosovës në Këshillin e Evropës.

Takimi rezultoi gjithashtu me disa këshilla të rëndësishme që duhen konsideruar me kujdes, ka thënë Tahiri.

“E falënderova zonjën Gonzales për mbështetjen që Amerika i dha Kosovës dhe i kërkova të vazhdonte angazhimi i Amerikës në mbështetje të përpjekjeve tona për t’iu bashkuar Këshillin e Evropës. Miqësia jonë është e vërtetë dhe do të zgjasë përgjithmonë. Zoti mos na lashtë pa Amerikë”, përfundoi postimin Tahiri./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm